Xalq deputatlari Qo‘shko‘pir tuman Kengashi deputati Hajiboy Ibrohimov 2026-yil 5-mart kuni 5-son umumta’lim
maktabi binosida Chamanzo‘r mahallasi saylovchilari bilan uchrashuv o‘tkazdi
hamda ularning murojaatlarini tingladi. 

Uchrashuv davomida deputat saylovchilarning
taklif va istaklarini inobatga olgan holda elektr energiyasi, tabiiy gaz hamda
ichimlik suvi ta’minoti sohalari mutaxassislarini ham jalb etdi. Mazkur
sohalarga oid ayrim muammolarni mas’ul tashkilotlar bilan hamkorlikda hal etish
masalasiga alohida e’tibor qaratildi. 

Saylovchilar o‘zlarini qiziqtirgan savollar yuzasidan batafsil javoblar oldilar. Uchrashuv
jarayonida ko‘tarilgan ayrim masalalar joyida ijobiy hal etildi.