Xalq deputatlari tuman Kengashi deputati F. Siddiqov Talliota mahallasida bo‘lib, faxriylar va mahalla faollari bilan davra suhbati o‘tkazdi.

Uchrashuvda Ramazon oyining ma’naviy ahamiyati, insonparvarlik va saxovat tamoyillarini amalda namoyon etish masalalari keng muhokama qilindi. Ayniqsa, ehtiyojmand, nogironligi bo‘lgan, boquvchisini yo‘qotgan hamda salomatligi sababli uy sharoitida davolanayotgan fuqarolarni qo‘llab-quvvatlash zarurligi qayd etildi.

Shu bilan birga, iftorliklarni sodda va tartibli tashkil etish, ortiqcha dabdabaga yo‘l qo‘ymaslik hamda ajratilgan mablag‘larni ijtimoiy himoyaga muhtoj oilalarga yo‘naltirish yuzasidan fikr-mulohazalar bildirildi.

Yig‘ilish yakunida nuroniylardan ushbu ezgu chaqiriqlarni jamoatchilik orasida, xususan, taroveh namozlarida ham keng targ‘ib qilish orqali mahallada hamjihatlik va mehr-muruvvat muhitini yanada mustahkamlash so‘raldi.

Bizni kuzatib boring:👇

t.me/Toyloq_tuman_Kengashi