Kengash raisi va Doimiy komissiya raislari tomonidan Xalq deputatlari Olmazor tuman Kengashining 2026-yilga mo‘ljallangan namunaviy Ish rejasi ko‘rib chiqildi va muhokama qilindi

 Xalq deputatlari Olmazor tumani Kengash raisi, kotibiyat mudiri va Doimiy komissiya raislari tomonidan 2026-yil uchun yillik ish rejasi ko‘rib chiqildi va keng muhokama qilindi. Mazkur yig‘ilishda, deputatlar o‘tgan yilning natijalarini tahlil qilib, doimiy komissiya yig'ilishlari va sessiya jarayonlarida ko‘rib chiqilishi rejalashtirilgan masalalar, ijtimoiy-iqtisodiy va sanoat sohalarda amalga oshirilishi zarur bo‘lgan tashabbuslar hamda davlat dasturlarining ijrosi bilan bog‘liq masalalarni ko‘rib chiqdilar.

Yig‘ilishda, har bir komissiya raisi o‘zining sohasiga oid masalalar bo‘yicha takliflar bildirdi va ularni sessiya jarayonlarida qamrab olish bo‘yicha rejalashtirilgan ishlar haqida ma’lumot berdi. Shu bilan birgalikda, Asosiy maqsad – mahallabay yondashuv, aholining kundalik muammolari yechimiga qaratilganlik va sayyor hamda qo‘shma majlislar nazarda tutilishi, doimiy komissiya yig'ilishlari va sessiya jarayonlari samaradorligini oshirish hamda deputatlar bilan muhokama jarayonlarini kengaytirish masalalari ham muhokama qilindi.

Yillik ish rejasi, tumanning ijtimoiy, iqtisodiy va sanoat rivojlanishini qo‘llab-quvvatlashga qaratilgan strategik maqsadlarni o‘z ichiga oladi. Yig‘ilishda Kengash raisi va komissiya raislari o‘zaro fikr almashib, muhim tashabbuslar va yangi loyihalar ishlab chiqish, shuningdek, mavjud masalalarga samarali yechim topish bo‘yicha bir qator takliflar kiritdilar.

Yig‘ilish yakunida, ko‘rib chiqilishi lozim bo‘lgan masalalar bo‘yicha har bir komissiya raisining takliflari qabul qilinib, yillik ish rejasi doirasida amalga oshirilishi kerak bo‘lgan asosiy vazifalar belgilab olindi.