Mahalla yettiligi faoliyati o‘rganildi

Xalq deputatlari Qo‘shko‘pir tuman Kengashi kotibiyati bosh mutaxassisi S. Matyaqubova Oshoqqala mahallasida bo‘lib, mahalla yettiligi faoliyati hamda uning fuqarolar bilan o‘zaro hamkorligi holatini o‘rgandi.
O‘rganish davomida fuqarolar bilan muloqot qilinib, mahalla yettiligi tomonidan aholining murojaatlari va muammolarini o‘rganish, ularni hal etish borasida amalga oshirilayotgan ishlar yuzasidan fikrlar tinglandi.
Fuqarolar mahalla yettiligi faoliyatidan mamnun ekanliklarini, murojaatlari e’tiborsiz qoldirilmayotgani va amaliy ko‘mak ko‘rsatilayotganini ta’kidladilar. Suhbatlar davomida mahalla yettiligi faoliyati yuzasidan fuqarolardan e’tiroz va shikoyatlar mavjud emasligi qayd etildi.
O‘rganish yakunida mahallada aholi bilan ochiq va samarali muloqotni yanada kuchaytirish, fuqarolar manfaatlarini ta’minlash hamda muammolarni manzilli hal etish muhim vazifa ekani ta’kidlandi.