Xalq deputatlari Yunusobod tumani Kengashi deputati M.Asilova tomonidan “Kulolqo‘rg‘on” mahallasida oilalarning ijtimoiy va maishiy sharoitlarini o‘rganish bo‘yicha ishlar olib borildi.

🔎O‘rganish davomida xonadonlarda oilalarning ijtimoiy holati, kambag‘allikdan chiqarish, doimiy daromad manbaini shakllantirish hamda daromadli mehnat bilan bandligini ta’minlash imkoniyatlariga e’tibor qaratildi.

🏠Shuningdek, yashash sharoiti, sanitariya holati, tomorqa yerlaridan samarali foydalanish imkoniyatlari hamda tibbiy, ta’lim va boshqa ijtimoiy xizmatlarga bo‘lgan ehtiyojlar o‘rganildi.

🤝Aniqlangan muammolar yuzasidan tegishli tavsiyalar berilib, oilalarning mavjud imkoniyatlaridan samarali foydalanish, daromad manbalarini kengaytirish va mavjud muammolarni bosqichma-bosqich hal etish bo‘yicha amaliy choralar belgilandi.

📌Mazkur o‘rganishlar deputatlik nazoratini kuchaytirish, oilalarni qo‘llab-quvvatlash va ularni kambag‘allikdan chiqarishga ko‘maklashishga qaratilgan.