Tibbiyot xodimlarining kasbiy salohiyati o‘rganildi

O‘zbekiston Respublikasining "Fuqarolar sog‘lig‘ini saqlash to‘g‘risida"gi Qonuni hamda sog‘liqni saqlash sohasida amalga oshirilayotgan islohotlar doirasida tibbiyot xodimlarining kasbiy malakasi va xizmat ko‘rsatish sifati ustidan tizimli nazoratni kuchaytirish muhim vazifalardan biri hisoblanadi.

Shu maqsadda Xalq deputatlari Namangan shahar Kengashi kotibiyati mudiri N.Ubaydullayev Namangan shahar 3-oilaviy poliklinikasi hamshira xodimlarining kasbiy bilim va amaliy ko‘nikmalari holatini o‘rgandi.

O‘rganish davomida tibbiyot xodimlarining malaka darajasi, bemorlar bilan muloqot madaniyati, tibbiy hujjatlarni yuritish sifati hamda amaldagi klinik standartlar va protokollarga rioya etilishi yuzasidan atroflicha tahlillar olib borildi.

Deputatlik nazorati yakunlari bo‘yicha tibbiy xizmatlar sifatini yanada oshirish, xodimlarning malakasini muntazam takomillashtirib borish hamda aholiga ko‘rsatilayotgan birlamchi tibbiy yordam samaradorligini oshirish yuzasidan tegishli tavsiyalar berildi.