🔽Xotin-qizlar bilan ishlash samaradorligi o‘rganildi

🏦Xotin-qizlarning huquq va manfaatlarini himoya qilish, ularning bandligini ta’minlash, ijtimoiy faolligini oshirish hamda mavjud muammolarini o‘z vaqtida aniqlab, manzilli ko‘mak ko‘rsatish mahalladagi xotin-qizlar faoli faoliyatining muhim yo‘nalishlaridan biridir.
🏦Xalq deputatlari Jondor tumani Kengashi kotibiyati bosh mutaxassislari J. Norov va R. Murodov hamkorligida “Tinchlik” mahallasida xotin-qizlar faoli tomonidan amalga oshirilayotgan ishlar samaradorligi o‘rganildi.
🏦O‘rganish davomida mahalladagi xotin-qizlar bilan ishlash tizimi, ularning muammolarini aniqlash va hal etish, bandligini ta’minlash, tadbirkorlikka jalb qilish hamda ehtiyojmand oilalarga ko‘mak ko‘rsatish borasida olib borilayotgan ishlar tahlil qilindi.
🏦Shuningdek, xotin-qizlarning murojaatlari bilan ishlash, ularni mavjud imkoniyat va imtiyozlar to‘g‘risida xabardor qilish, ijtimoiy faolligini oshirishga qaratilgan chora-tadbirlarning amaliy natijalariga e’tibor qaratildi.
🏦O‘rganish yakunlari bo‘yicha aniqlangan masalalarni bartaraf etish, xotin-qizlar bilan ishlash samaradorligini yanada oshirish hamda muammolarni manzilli hal etish yuzasidan tegishli tavsiyalar berildi.
🔺Mahallalarda xotin-qizlarni qo‘llab-quvvatlash, ularning bandligi va farovonligini ta’minlash borasidagi ishlar deputatlik va jamoatchilik nazorati asosida davom ettiriladi.

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt