Xalq deputatlari Qo‘qon shahar Kengashiga 26-“Yangi obod” saylov okrugidan saylangan deputat G.Paygamova tomonidan saylov okrugi hududidagi “Yangi obod” mahalla fuqarolar yig‘inida navbatdagi o‘rganish ishlari olib borildi.

O‘rganish davomida mahallaga biriktirilgan “Sanoat qurilish banki” agentlari faoliyati, fuqarolarning bank oldidagi kredit majburiyatlari, mavjud qarzdorliklarni undirish hamda qarzdorlikni bosqichma-bosqich kamaytirish bo‘yicha amalga oshirilayotgan ishlar holati o‘rganildi.

Bank agenti Xakimova Gulchexrahon tomonidan taqdim etilgan ma’lumotlarga ko‘ra, yil boshida mahalla hududidagi fuqarolarning bank oldidagi kredit qarzdorligi jami 67 million so‘mni tashkil etgan.

Joriy yilning o‘tgan davri mobaynida olib borilgan ishlar natijasida 34 million so‘mlik kredit qarzdorligi undirilgan. Natijada fuqarolarning bank oldidagi mavjud kredit qarzdorligi 33 million so‘mga kamaygan.

O‘rganish jarayonida qolgan qarzdorliklarni undirish yuzasidan ham tegishli ishlar olib borilayotgani ma’lum qilindi. Jumladan, qarzdor fuqarolar bilan individual tartibda tushuntirish va muloqot ishlari tashkil etilib, mavjud kredit majburiyatlarini bosqichma-bosqich bajarish bo‘yicha choralar ko‘rilmoqda.

Xalq deputatlari Qo‘qon shahar Kengashi