Deputatlar Kengash qarori ijrosini joyiga chiqib o‘rgandilar

Xalq deputatlari Baxmal tuman Kengashining qaroriga muvofiq, tuman hokimligiga inklyuziv ta'lim joriy etilgan umumiy o‘rta ta'lim maktablarini hamda korreksion mashg‘ulotlar xonalarini namunaviy jihozlar bilan ta'minlash mablag‘ ajratilgan.
Mazkur qaror ijrosi yuzasidan Xalq deputatlari tuman Kengashi deputatlari tomonidan inklyuziv ta'lim joriy etilgan 1-son umumiy o‘rta ta'lim maktabida o‘rganish ishlari olib borildi.
O‘rganish davomida ajratilgan mablag‘lar hisobidan korreksion mashg‘ulotlar xonasining namunaviy jihozlar bilan ta'minlanganlik holati, yaratilgan shart-sharoitlar hamda jihozlardan samarali foydalanish masalalari ko‘zdan kechirildi.
Deputatlar tomonidan bildirilgan taklif va tavsiyalar asosida inklyuziv ta'lim sifatini yanada oshirish yuzasidan tegishli mas'ullarga tavsiyalar berildi.