Oltinsoy tumanida hududlarni “Yangi O‘zbekiston qiyofasi”ga keltirish hamda Xalq deputatlari tuman Kengashi qarorlari ijrosini ta’minlash borasida tizimli nazorat-tahlil tadbirlari amalga oshirilmoqda.

Xalq deputatlari Oltinsoy tumani Kengashining 11-“Guliston” saylov okrugidan saylangan deputat Mamatmuratov Azamat Karamatovich tomonidan “Qoratepa” mahalla fuqarolar yig‘inida Kengashning 2026-yil 5-martdagi VII-16-13-8-108-K/26-sonli qarori ijrosi bo‘yicha navbatdagi deputatlik nazorati tadbiri o‘tkazildi.

O‘rganish davomida deputat bevosita joyiga chiqqan holda:
“Qoratepa” MFY hududidagi ichki yo‘llarga asfalt yotqizish jarayonlarini ko‘zdan kechirdi;
Qurilish va obodonlashtirish ishlarining belgilangan sifat va texnik standartlarga mosligini nazorat qildi;
Pudratchi va mas’ul mutaxassislar bilan muloqot qilib, yo‘l-infratuzilma ishlarini o‘z vaqtida hamda sifatli yakunlash bo‘yicha tegishli tavsiyalarni berdi.

Aholi farovonligini oshirish va mahalla infratuzilmasini yaxshilashga qaratilgan ushbu amaliy ishlar deputatlik nazoratida doimiy ravishda davom ettiriladi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz