Do‘stlik MFY Pastkichaqir qishlog‘idagi sun’iy qoplamali futbol maydonida tashkil etilgan sport mashg‘ulotlari va to‘garaklar faoliyati bilan tanishildi.

Xalq deputatlari Yangiobod tuman Kengashi deputati H. Qudratov hududga tashrif buyurib, yoshlar va bolalarning bo‘sh vaqtini mazmunli tashkil etish, ularni sportga keng jalb qilish hamda futbol maydonidan samarali foydalanish holatini o‘rgandi.

O‘rganish davomida futbol maydonining umumiy holati, sport mashg‘ulotlarining tashkil etilishi, to‘garaklarga yoshlarning jalb qilinishi hamda mashg‘ulotlar uchun yaratilgan sharoitlar ko‘zdan kechirildi.

Shuningdek, to‘garaklarda qatnashayotgan yoshlar bilan suhbatlashilib, ularning sportga qiziqishi, mashg‘ulotlar jarayoni va mavjud takliflari tinglandi.

Deputat tomonidan sport to‘garaklarini muntazam tashkil etish, yoshlar qamrovini kengaytirish, iqtidorli yoshlarni aniqlash va ularning sport bilan shug‘ullanishi uchun mavjud imkoniyatlardan samarali foydalanish yuzasidan tavsiyalar berildi.