Xalq deputatlari Chinoz tumani Kengashi 4-Afg‘on saylov okrugidan saylangan deputat Lazizjon O‘ktirovga biriktirilgan kotibiyat bosh mutaxassisi B.Ortiqboyev tomonidan Chinoz tumani hududidagi 2-sonli umumta’lim maktabida o‘quvchilar uchun yaratilgan sport sharoitlari o‘rganildi.
⚽️ O‘rganish davomida maktabdagi sport zallarining holati, mavjud sport anjomlari va jihozlarning ta’minlanganlik darajasi, ulardan foydalanish imkoniyatlari hamda ularning o‘quvchilar uchun qulayligi ko‘zdan kechirildi.
🔎 Shuningdek, sport mashg‘ulotlarini samarali tashkil etish, mavjud anjomlardan unumli foydalanish, yetishmayotgan jihozlarni to‘ldirish va eskirgan sport inventarlarini yangilash masalalariga alohida e’tibor qaratildi.
🤝 O‘rganish jarayonida aniqlangan ayrim masalalar maktab rahbariyati bilan muhokama qilinib, ularni bartaraf etish hamda sport zallarining moddiy-texnik bazasini yanada mustahkamlash bo‘yicha tegishli takliflar bildirildi.
🏃‍♀️ Yoshlarning sport bilan muntazam shug‘ullanishi uchun munosib sharoit yaratish — ularning sog‘lom va faol hayot tarzini shakllantirishning muhim omilidir. Shu bois ta’lim muassasalaridagi sport infratuzilmasini rivojlantirish va mavjud imkoniyatlardan samarali foydalanish deputatlik nazoratining muhim yo‘nalishlaridan biri sifatida davom ettiriladi.

🇺🇿 Xalq deputatlari Chinoz tumani Kengashi