Xalq deputatlari viloyat Kengashi deputati N.Soatov, tuman Kengashi kotibiyati mudiri N.Turdiyev hamda tuman suv ta’minoti bo‘limi injineri ishtirokida Oqoltin tumanidagi “Ko‘rkam diyor”, “Saxovat” va “A.Navoiy” mahallalarida aholining ichimlik suvi ta’minotini yaxshilash borasida amalga oshirilishi rejalashtirilgan ishlar o‘rganildi.

O‘rganishlar O‘zbekiston Respublikasi Prezidentining 2026-yil 7-apreldagi PQ-132-son qarori asosida amalga oshiriladigan loyihalar doirasida olib borildi. Mas’ullar tomonidan mahallalarda ichimlik suvi ta’minotining amaldagi holati, mavjud ehtiyojlar hamda aholini sifatli va barqaror ichimlik suvi bilan ta’minlash bo‘yicha belgilangan vazifalar muhokama qilindi.

Uchrashuv davomida belgilangan loyihalarni o‘z vaqtida va sifatli amalga oshirish, qurilish ishlarini nazoratga olish hamda natijada aholining ichimlik suvi bilan ta’minlanish darajasini yaxshilash muhim vazifa ekani ta’kidlandi.