YOSHLAR UCHUN ZAMONAVIY SPORT MAYDONI YARATILDI

“Payshanba — Yoshlar kuni” doirasida Navoiy shahridagi 7-sonli umumta’lim maktabida yoshlar uchun zamonaviy workout zona foydalanishga topshirildi.

💪 Yangi sport maydonchasi yoshlarning bo‘sh vaqtini mazmunli tashkil etish, jismoniy faolligini oshirish va sog‘lom turmush tarzini targ‘ib qilishga xizmat qiladi.

✨ Tantanali tadbirda Xalq deputatlari Navoiy shahar Kengashi deputati Ergashev Dilmurod Bekmurodovich ishtirok etib, yoshlarni yangi sport inshootining foydalanishga topshirilgani bilan muborakbod etdi.

🤝 Tadbir davomida deputat maktabda sport bilan shug‘ullanayotgan yoshlar bilan suhbatlashib, ularning fikr va takliflarini tingladi. Yoshlarning sportga bo‘lgan qiziqishini qo‘llab-quvvatlash, ular uchun yanada qulay sharoitlar yaratish hamda bo‘sh vaqtlarini mazmunli tashkil etish masalalari muhokama qilindi.

🌱 Mazkur sport maydonchasi yoshlarning jismonan sog‘lom, faol va barkamol bo‘lib voyaga yetishiga munosib hissa qo‘shadi.