MUSTAQILLIK — BUYUK QADRIYATLARIMIZ VA YANGI YUTUQLARIMIZ POYDEVORI

🇺🇿 “Yagona Vatan, yagona xalq bo‘lib, yangi hayot va kelajak yaratamiz!”

Mustaqilligimizning 35 yilligi arafasida ushbu ezgu g‘oya har birimizning qalbimizda Vatanga sadoqat, xalqimizga xizmat qilish va yurt taraqqiyoti uchun mas’uliyat tuyg‘ularini yanada mustahkamlamoqda.

Bugun Yangi O‘zbekiston taraqqiyotining asosiy mezoni — inson qadri, adolat va xalq manfaatlariga xizmat qiladigan davlat boshqaruvi tizimini shakllantirishdir. Hududlarda amalga oshirilayotgan bunyodkorlik ishlari, ta’lim, sog‘liqni saqlash, tadbirkorlik va infratuzilma sohalaridagi keng ko‘lamli islohotlar xalqimiz hayot sifatini yanada yaxshilashga xizmat qilmoqda.

Xalq deputatlari vakili hamda oliy tibbiy ta’lim tizimida rahbar xodim sifatida fuqarolarning murojaat va takliflarini tinglash, ularning qonuniy manfaatlarini himoya qilish, hududlarni rivojlantirish hamda davlat dasturlarining joylarda samarali ijrosini ta’minlashni muhim vazifalarimdan biri deb bilaman.

Har bir qaror va tashabbus markazida, avvalo, inson manfaatlari va xalq farovonligi turishi lozim.

🟢 Mustaqillik bizga o‘z taqdirimizni o‘zimiz belgilash, milliy qadriyatlarimizni asrab-avaylash va kelajagimizni bunyod etish imkonini berdi. Endilikda erishilgan yutuqlarni yanada mustahkamlash, yosh avlodga munosib kelajak yaratish va yurtimiz ravnaqiga munosib hissa qo‘shish — barchamizning fuqarolik burchimizdir.

🎉 Mustaqilligimizning 35 yilligi muborak bo‘lsin!

Yurtimiz tinch, xalqimiz farovon, osmonimiz musaffo bo‘lsin. Birligimiz va hamjihatligimiz Yangi O‘zbekiston taraqqiyotining eng katta kuchi bo‘lib qolaversin!

✍️ Xalq deputatlari Olmazor tumani Kengashi deputati Baxriddin Nurmatov