Bandixon tumanida deputatlik nazorati: "Bektepa" mahallasida aholi va "Mahalla yettiligi" bilan uchrashuv o‘tkazildi

✅Bandixon tumanida xalq deputatlarining saylovchilar bilan doimiy muloqotini yo‘lga qo‘yish, hududlardagi ijtimoiy-iqtisodiy masalalarni o‘z vaqtida aniqlash hamda "Mahalla yettiligi" bilan uzviy hamkorlikda aholi muammolarini hal etish borasida tizimli deputatlik nazorati olib borilmoqda.

✅Xalq deputatlari Bandixon tumani Kengashiga 2-Bektepa saylov okrugidan saylangan deputat B.Yo‘ldoshev "Bektepa" MFYda bo‘lib, "Mahalla yettiligi" a’zolari, mahalla faollari hamda hudud aholisi bilan kengaytirilgan muloqot o‘tkazdi.

✅Uchrashuvda Oliy Majlis Senati Kengashining KQ–35-sonli qarori talablaridan kelib chiqqan holda mahalladagi drayver sohalarni rivojlantirish, aholi bandligini ta’minlash, tadbirkorlikni qo‘llab-quvvatlash hamda ijtimoiy-infratuzilma ob’ektlarini yaxshilash masalalari atroflicha muhokama qilindi.

✅Muloqot davomida fuqarolar va nuroniylar tomonidan bildirilgan ijtimoiy-kommunal hamda maishiy yo‘nalishdagi barcha murojaatlar deputatlik nazoratiga olindi.

✅ Yakunda ushbu muammolarni mas’ul idoralar bilan hamkorlikda hal etish yuzasidan tegishli tashkilotlar rahbarlari nomiga deputatlik so‘rovlari yuborilishi belgilab olindi.