Xalq deputatlari Pastdarg‘om tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi tomonidan biriktirilgan tashkilotlar bilan hamkorlikni kuchaytirish, faoliyatini o‘rganish va aholi manfaatlarini ta’minlashga qaratilgan ishlar izchil davom ettirilmoqda.

🔎 Shu doirada doimiy komissiya a’zosi, tuman Kengashi deputati D. Mardonova tuman gaz ta’minoti tashkilotida bo‘lib, uning faoliyati bilan yaqindan tanishdi.

📋 Tashrif davomida gaz ta’minoti sohasida amalga oshirilayotgan ishlar, aholi murojaatlari bilan ishlash, tabiiy va suyultirilgan gaz ta’minotini tashkil etish hamda kuz-qish mavsumiga tayyorgarlik jarayonlari yuzasidan ma’lumotlar o‘rganildi.

🤝 Shuningdek, xizmat ko‘rsatish jarayonlarida qonuniylik, ochiqlik va shaffoflikni ta’minlash, korrupsiyaviy holatlarning oldini olish hamda fuqarolar murojaatlarini o‘z vaqtida ko‘rib chiqish masalalariga e’tibor qaratildi.