Xalq deputatlari Pastdarg‘om tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi tomonidan biriktirilgan tashkilotlar bilan hamkorlikni mustahkamlash, ularning faoliyatini o‘rganish hamda xavfsizlik masalalariga oid vazifalar ijrosini nazorat qilish bo‘yicha ishlar davom ettirilmoqda.

🔎 Shu doirada doimiy komissiya a’zosi, tuman Kengashi deputati M. Pardayev O‘zbekiston Respublikasi Favqulodda vaziyatlar vazirligi Samarqand viloyati Favqulodda vaziyatlar boshqarmasi Pastdarg‘om tuman Favqulodda vaziyatlar bo‘limining 19-son yong‘in-qutqaruv qismida bo‘lib, muassasaning ish faoliyati bilan yaqindan tanishdi.

🚒 Tashrif davomida yong‘in va boshqa favqulodda vaziyatlarning oldini olish, ularning oqibatlarini bartaraf etish, qutqaruvchilarning xizmat faoliyati hamda aholi xavfsizligini ta’minlash yo‘nalishidagi ishlar haqida ma’lumot olindi.

🤝 Shuningdek, tashkilot va doimiy komissiya o‘rtasidagi hamkorlikni yanada kuchaytirish, mavjud masalalarni o‘rganish hamda xavfsizlikni ta’minlash bo‘yicha amalga oshirilayotgan ishlarni qo‘llab-quvvatlash masalalariga e’tibor qaratildi.