Xalq deputatlari Zangiota tumani Kengashining VII chaqiriq navbatdagi XXXIV sessiyasi bo‘lib o‘tdi.

Sessiya kun tartibidan tumanda jinoyatchilikning oldini olish, mahallalarda kriminogen vaziyatni yaxshilash, mahalliy budjetning qo‘shimcha manbalaridan samarali foydalanish, adliya va soliq sohalarida amalga oshirilayotgan ishlar, tibbiyot tizimidagi faoliyat natijalari, hududlarning ma’muriy-hududiy chegaralarini belgilash hamda Kengashning ayrim qarorlarini amaldagi qonunchilik talablariga muvofiqlashtirish kabi muhim masalalar o‘rin oldi.

Kun tartibidagi masalalar yuzasidan tegishli axborot va hisobotlar tinglanib, deputatlar tomonidan masalalar atroflicha muhokama qilindi.

Sessiya davomida bildirilgan taklif va mulohazalar asosida kun tartibidagi masalalar bo‘yicha tegishli qarorlar qabul qilindi.