O‘rikzor” mahallasida ichimlik suvi ta’minoti bo‘yicha murojaat o‘rganildi

Xalq deputatlari Zangiota tumani Kengashining 5-okrug deputati N.Bayuzakovaga “O‘rikzor” mahallasiolisi tomonidan ichimlik suvi ta’minoti yuzasidan murojaat kelib tushgan.

Mazkur murojaatni o‘rganish va ijobiy hal etilishiga ko‘maklashish maqsadida deputat “Toshkent viloyati suv ta’minoti” AJ Zangiota tumani filialiga bordi.

“O‘rikzor” mahallasidagi ichimlik suvi ta’minoti masalasi muhokama qilinib, mazkur hudud bo‘yicha smeta hujjatlari tasdiqlangani hamda ishlar tegishli dasturga kiritilgani ma’lum qilindi.

Mas’ullar tomonidan berilgan ma’lumotga ko‘ra, yaqin kunlarda suv tarmoqlaridagi quvurlar almashtirilib, mahalla aholisi barqaror ichimlik suvi bilan ta’minlanishi ko‘zda tutilgan.

Deputat tomonidan ushbu masalaning ijrosi nazoratga olinib, aholi murojaatining amaliy yechimi ta’minlanishi yuzasidan tegishli ishlar olib borilmoqda.