Xalq deputatlari Bag‘dod tumani Kengashining “21-Samarqand” saylov okrugi deputati T.To‘ychiboyev hamda Kengash Kotibiyati bosh mutaxassisi U.Raximjonovlar tomonidan “Saidabod” mahalla fuqarolar yig‘inining “Yangiyer” ko‘chasida navbatdagi ko‘chama-ko‘cha o‘rganish ishlari olib borildi.

O‘rganish davomida ko‘chaning mavjud infratuzilmasi ko‘zdan kechirilib, aholi bilan muloqot qilindi.

Muloqot davomida fuqarolar V.Nurmatov hamda U.Abduraximovlar tomonidan ko‘chada ichimlik suvi ta’minoti mavjud emasligi, shu sababli aholi kundalik ehtiyoji uchun ichimlik suvini
1 km masofadan tashib iste’mol qilayotgani ma’lum qilindi.

Mazkur muammoni bartaraf etish maqsadida hududda:
🔹 1 dona ichimlik suvi qudug‘ini qazish;
🔹 ichimlik suvi minorasi o‘rnatish;
🔹 ichimlik suvi tarmog‘ini tortish zarurligi yuzasidan murojaat bildirildi.

Aniqlangan mazkur masala deputatning "Ko‘chama-ko‘cha aylanish" daftariga qayd etilib, ijrosini ta’minlash maqsadida deputat nazoratiga olindi.