Xalq deputatlari Bag‘dod tumani Kengashi deputati Xamrakulov Doniyor Toxirovich tomonidan “Amirobod” mahalla fuqarolar yig‘ini hududida ichimlik suvi ta’minoti bilan bog‘liq muammolar yuzasidan deputat so‘rovi yuborildi.

Aholi murojaatlari asosida o‘tkazilgan o‘rganishlar davomida “Obod”, “Ozodlik” va “Tinchlik” ko‘chalarida joylashgan 3 ta ichimlik suvi minorasi mavjud bo‘lib, ular turli yillarda qurilganiga qaramay, hozirgi kunga qadar foydalanishga topshirilmagani aniqlandi.

Mazkur muammoni bartaraf etish maqsadida deputat tomonidan tuman hokimi o‘rinbosari U.Yigitaliyevga mavjud 3 ta suv minorasini qisqa muddatlarda ishga tushirish hamda ko‘rilgan choralar yuzasidan asoslantirilgan ma’lumot taqdim etish so‘raldi.

Deputat so‘rovining ijrosi va natijasi aholini ichimlik suvi bilan ta’minlash holatini yaxshilashga qaratilgan amaliy choralar nuqtayi nazaridan nazoratga olindi.