АҲОЛИ МУРОЖААТИ ДЕПУТАТ НАЗОРАТИДА: ИЧИМЛИК СУВИ МУАММОСИ БЎЙИЧА ДЕПУТАТЛИК СЎРОВИ ЮБОРИЛДИ
Халқ депутатлари Янгиқўрғон тумани Кенгаши депутати Отабоев Фахриддин Жўрабоевич томонидан Ғайистон маҳалласи аҳолисининг ичимлик суви таъминоти билан боғлиқ мурожаати ўрганилди.
Ўрганиш жараёнида ҳудуддаги ичимлик суви тармоғи қувурининг ёрилиб кетиши натижасида сув таъминоти узилиб қолгани ва бу ҳолат аҳолига қатор ноқулайликлар келтириб чиқараётгани аниқланди.
Мавжуд муаммони тезкорлик билан бартараф этиш, ёрилган қувурни таъмирлаш ҳамда аҳолининг ичимлик суви таъминотини қайта тиклаш масаласида масъул сув таъминоти ташкилоти раҳбари номига депутатлик сўрови юборилди.
Мазкур мурожаатнинг белгиланган тартибда ҳал этилиши ва таъмирлаш ишларининг сифатли бажарилиши депутат назоратига олинди.