#Hududiy_tajriba
#Madad_NNT
#Kotibiyat_mudiri_faoliyati

Xalq deputatlari Payariq tumani Kengashining mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi A. Maxammatov, Kengash kotibiyati mudiri J. Axunov, Davlat xizmatlari markazi rahbari M. Fayzullayev hamda “Madad” NNT rahbari O‘. Egamberdiyev ishtirokida fuqarolar murojaatlari bilan ishlash tizimini yanada takomillashtirish hamda davlat xizmatlari ko‘rsatish samaradorligini oshirish masalalari yuzasidan fikr almashildi.

Uchrashuv davomida fuqarolardan kelib tushayotgan murojaatlarni o‘z vaqtida ko‘rib chiqish, ularning qonuniy manfaatlarini ta’minlash, murojaatlarni tegishli tashkilotlar bilan hamkorlikda hal etish, shuningdek, davlat xizmatlaridan foydalanishda fuqarolarga qulayliklar yaratish masalalariga alohida e’tibor qaratildi.

Shuningdek, davlat xizmatlarini ko‘rsatish jarayonida uchrayotgan muammo va kamchiliklarni aniqlash, ularni bartaraf etish hamda aholining huquqiy xabardorligini oshirish bo‘yicha takliflar muhokama qilindi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|