Fuqarolar murojaati o‘rganilib, muammo ijobiy hal etildi

Xalq deputatlari Termiz tuman Kengashi 6-«At-Termiziy» saylov okrugi deputati B. Umarov saylangan Kelajak MFY hududidagi fuqarolar murojaatlari o‘rganildi.

O‘rganish davomida fuqarolar tomonidan suv quvuri yorilgani va natijada suvning chiqib, ko‘chada oqib yotgani bo‘yicha bildirilgan murojaat joyiga chiqib ko‘rib chiqildi.

Mazkur masala mas’ul tashkilot vakillari bilan birgalikda o‘rganilib, zarur choralar ko‘rildi. Natijada suv quvuridagi nosozlik bartaraf etilib, suvning oqib yotishiga sabab bo‘lgan muammo hal etildi.

O‘rganish jarayonida Xalq deputatlari Termiz tuman Kengashi mutaxassisi T. Murodov ishtirok etib, murojaatning amaliy yechimini joyida o‘rgandi.

Fuqarolar murojaatlarini o‘z vaqtida ko‘rib chiqish va mavjud muammolarni mas’ul tashkilotlar bilan hamkorlikda joyida hal etish deputatlik faoliyatining muhim yo‘nalishlaridan biridir.