#kunlik_ish_reja
#deputat_okrugida

Mahalladagi muammolar va tadbirkorlar takliflari o‘rganildi

Xalq deputatlari tuman Kengashiga 15-Bo‘ston saylov okrugidan saylangan deputat K. Mirzayev o‘zi saylangan okrug hududidagi “Bog‘bonlar yurti” mahallasida mahalla raisi va ko‘chaboshilar bilan birgalikda mahalla ichki yo‘llarining asfaltlash masalasini muhokama qildi.

Suhbat davomida mahalla ichki yo‘llarining holati, ularni ta’mirlash va asfaltlash bilan bog‘liq muammolar o‘rganilib, mazkur masalani hal etish bo‘yicha takliflar bildirildi.

Shuningdek, deputat mahallada faoliyat yuritayotgan tadbirkorlar bilan uchrashib, ularning faoliyatida yuzaga kelayotgan muammolar, mavjud imkoniyatlar va takliflari yuzasidan suhbatlashdi.

Aholi va tadbirkorlar bilan bevosita muloqot qilish, hududdagi muammolarni aniqlash hamda ularning yechimi yuzasidan tegishli choralarni ko‘rish deputatlik faoliyatining muhim yo‘nalishlaridan biridir.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram