Mahalla yettiligi faoliyati o‘rganildi

Xalq deputatlari Termiz tuman Kengashi raisi S. Nazarov, 5-Uchqizil saylov okrugi deputati Sh. Norsayev hamda Kengash mutaxassisi K. Abdullayeva Uchqizil MFYda bo‘lib, mahalla yettiligi faoliyati bilan tanishdi.

Tashrif davomida mahalla hududida amalga oshirilayotgan ishlar, aholi murojaatlari bilan ishlash holati hamda mavjud ijtimoiy-iqtisodiy masalalar muhokama qilindi. Shuningdek, mahalla yettiligi tomonidan hududdagi ichki yo‘llar, ichimlik suvi, elektr ta’minoti, obodonlashtirish va boshqa dolzarb muammolar yuzasidan bildirilgan taklif hamda murojaatlar tinglandi.

Uchrashuv yakunida ko‘tarilgan masalalarni tegishli tashkilotlar bilan hamkorlikda bosqichma-bosqich hal etish hamda ularning ijrosini nazoratga olish bo‘yicha tegishli vazifalar belgilandi.