O‘rganish davomida sport holati yaxshi biroq, maktabda o‘quvchilar va yoshlar uchun turli ma’naviy-ma’rifiy tadbirlar, yig‘ilishlar, uchrashuvlar hamda jamoaviy tadbirlarni to‘laqonli tashkil etish imkonini beruvchi katta hajmdagi universal faollar zalining mavjud emasligi asosiy muammolardan biri sifatida qayd etildi.
Mazkur muammoni hal etish maqsadida zamonaviy va talabga javob beradigan faollar zalini tashkil etish imkoniyatlarini o‘rganish, zarur mablag‘ va manbalarni aniqlash hamda tegishli tashkilotlar bilan hamkorlikda chora-tadbirlar belgilash yuzasidan mas’ullarga tegishli tavsiyalar berildi.
Asosiy maqsad — o‘quvchilar va yoshlar uchun munosib sharoitlarini yaratish hamda ularning bo‘sh vaqtini mazmunli tashkil etish.