#doimiy_komissiya 📋 DOIMIY KOMISSIYANING NAVBATDAGI YIG‘ILISHI O‘TKAZILDI
Xalq deputatlari Pastdarg‘om tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasining navbatdagi yig‘ilishi tashkil etildi.
Yig‘ilish kun tartibidan tumanda yoshlarga oid davlat siyosatining amalga oshirilishi, xususan, “Yoshlarga oid davlat siyosati to‘g‘risida”gi Qonun ijrosining ta’minlanishi, bitiruvchilarning oliy ta’lim muassasalariga kirish ko‘rsatkichlarining ikki yillik tahlili, shuningdek, ijtimoiy soha obyektlarining kuz-qish mavsumiga tayyorgarlik holati masalalari o‘rin oldi.
Kun tartibidagi masalalar yuzasidan tuman hokimi o‘rinbosari S.Hamrayevning hisoboti eshitildi.
Hisobot davomida yoshlarga oid davlat siyosatini hududda samarali amalga oshirish, yoshlarning ta’lim olishi va kelajakdagi bandligini ta’minlash, bitiruvchilarning oliy ta’limga kirish ko‘rsatkichlarini yaxshilash borasida amalga oshirilayotgan ishlar yuzasidan ma’lumotlar taqdim etildi.
Shuningdek, ijtimoiy soha obyektlarini kuz-qish mavsumiga puxta tayyorlash, mavjud muammolarni o‘z vaqtida aniqlash va bartaraf etish masalalariga alohida e’tibor qaratildi.
Yig‘ilish yakunida kun tartibidagi masalalar yuzasidan deputatlar tomonidan tegishli taklif va tavsiyalar bildirildi.
📌 Yoshlar siyosati, ta’lim va ijtimoiy soha — doimiy deputatlik nazoratida!