Mahallalarda obodonlashtirish ishlari o‘rganildi

Xalq deputatlari Qiziltepa tumani Kengashi deputati Sh. Usmonova o‘z saylov okrugidagi mahallalarda bo‘lib, O‘zbekiston Respublikasi davlat mustaqilligining 35 yilligi munosabati bilan hududlarda amalga oshirilayotgan obodonlashtirish va tozalik ishlarining holati bilan tanishdi.

O‘rganish davomida ko‘chalarning tozaligi, hududlarni obodonlashtirish, sanitariya holatini yaxshilash hamda bayramga munosib tarzda tayyorgarlik ko‘rish bo‘yicha olib borilayotgan ishlar ko‘zdan kechirildi.
Shuningdek, obodonlashtirish ishlarini yanada jadallashtirish, ko‘chalarning ozoda va ko‘rkamligini ta’minlash yuzasidan tegishli tavsiyalar berilib, mahallalarga amaliy ko‘mak ko‘rsatildi.

Deputat tomonidan hududlarda obodonlashtirish va tozalik ishlarini sifatli tashkil etish, aholi uchun yanada qulay va fayzli muhit yaratishga alohida e’tibor qaratilmoqda.