ҲАМКОРЛИКДА — ФУҚАРОЛАР МУРОЖААТЛАРИГА ЕЧИМ САРИ
Халқ депутатлари Янгиқўрғон тумани Кенгаши котибияти мутахассиси Эгамбердиев Комилжон «Мадад» ташкилоти вакиллари билан ҳамкорликда туман Камбағалликни қисқартириш ва бандликка кўмаклашиш марказида бўлди.
Ўрганиш жараёнида марказ раҳбари ва масъул ходимлари иштирокида фуқароларнинг мурожаатлари тингланиб, уларда кўтарилган масалалар атрофлича муҳокама қилинди.
Хусусан, аҳолини иш билан таъминлаш, бандликка кўмаклашиш, ижтимоий қўллаб-қувватлаш, ҳуқуқий маслаҳат бериш ва бошқа масалалар юзасидан мурожаатлар ўрганилди.
Ҳар бир мурожаат бўйича масъуллар билан биргаликда зарур чора-тадбирлар белгилаб олиниб, фуқароларга тегишли тушунтириш ва амалий кўмак берилди.
Фуқаролар мурожаатларини манзилли ўрганиш ва уларнинг ечимига кўмаклашиш ишлари изчил давом этмоқда.