Xalq deputatlari Quva tuman Kengashi deputati M. Ahmadalieva tomonidan
tuman Kengashi doimiy komissiyalari faoliyati doirasida o‘ziga biriktirilgan
tuman maktabgacha va maktab ta’limi bo‘limining o‘quvchilar bilimini baholash,
tahlil qilish hamda pedagoglarni kasbiy sertifikatlashni muvofiqlashtirish
sho‘basida O‘zbekiston Respublikasining 2020-yil 23-sentabrda qabul qilingan
“Ta’lim to‘g‘risida”gi O‘RQ-637-son Qonunining bajarilishi o‘rganildi.

O‘rganish davomida o‘quvchilar bilimini baholash va tahlil qilish
jarayonlarining belgilangan tartibda tashkil etilishi, baholash mezonlariga
rioya qilinishi hamda pedagoglarni kasbiy sertifikatlash jarayonlarini
muvofiqlashtirish borasida amalga oshirilayotgan ishlar tahlil qilindi.
Shuningdek, ta’lim sifati va pedagoglarning kasbiy salohiyatini oshirishga
qaratilgan chora-tadbirlarga e’tibor qaratildi.

O‘rganish natijasida aniqlangan masala va kamchiliklar yuzasidan
mas’ullarga tegishli tavsiya va takliflar berildi. O‘quvchilar bilimini xolis
va adolatli baholash, pedagoglarni kasbiy sertifikatlash jarayonlarini samarali
tashkil etish hamda qonunchilik talablariga qat’iy rioya qilish bo‘yicha zarur
choralarni ko‘rish tavsiya etildi.