Xalq deputatlari Sardoba tumani Kengashi bosh mutaxassisi L.Toshquvvatov tomonidan tuman Kengashi deputati
S.Abduvaliyevaning tashabbusi bilan tuman yoshlar agentligi xizmatlarining sifati, tezkorligi va fuqarolar uchun yaratilgan shart-sharoitlar o‘rganildi.
O‘rganish davomida murojaatlarni qabul qilish va ko‘rib chiqish tartibi, davlat xizmatlarini ko‘rsatish muddatlariga rioya etilishi, elektron xizmatlardan foydalanish imkoniyatlari hamda fuqarolarga yaratilgan qulayliklar ko‘zdan kechirildi.
Shuningdek, markazga murojaat qilgan fuqarolar bilan suhbat o‘tkazilib, xizmat ko‘rsatish sifati bo‘yicha ularning fikr va takliflari o‘rganildi.
O‘rganish yakunlari bo‘yicha mas’ullarga aholiga sifatli va o‘z vaqtida davlat xizmatlari ko‘rsatilishini yana-da takomillashtirish, murojaatlarga tezkor munosabat bildirish hamda xizmat ko‘rsatish madaniyatini yuksaltirish yuzasidan tegishli tavsiyalar berildi.
Mazkur masala ijrosi Xalq deputatlari Sardoba tumani Kengashining deputatlik nazoratiga olindi.