👤 Xalq deputatlari Shovot tumani Kengashi raisi, 3-Katqal’a saylov okrugi deputati Babajanov Jamolbek Jumabayevich, Kengash kotibiyati mudiri Masharipov Izzat Masharipovich hamda kotibiyat bosh mutaxassisi Ro‘zmetov Umrbek Shavkatovich ishtirokida tumandagi Tuproqqal’a MFY hududida joylashgan dorixonalar faoliyati o‘rganildi.
💊 O‘rganish jarayonida dorixonalarda dori vositalari va farmatsevtika mahsulotlarining aholiga realizatsiya qilinishi, ularni belgilangan tartibda saqlash shartlari, yaroqlilik muddati hamda amaldagi qonunchilik talablariga rioya etilishi masalalariga alohida e’tibor qaratildi.
📋 Shuningdek, dorixonalarning faoliyatini tashkil etish, aholiga sifatli va xavfsiz farmatsevtika xizmatlarini ko‘rsatish hamda iste’molchilar huquqlarini ta’minlash holati ko‘zdan kechirildi.
⚖️ O‘rganish ishlari “Dori vositalari va farmatsevtika faoliyati to‘g‘risida”gi Qonun hamda tegishli me’yoriy talablar asosida olib borildi.
🔎 Aniqlangan holatlar yuzasidan mas’ullarga tegishli tavsiya va ko‘rsatmalar berilib, mavjud kamchiliklarni bartaraf etish hamda kelgusida qonunchilik talablariga qat’iy rioya etish bo‘yicha zarur vazifalar belgilab olindi.
🤝 Kengash raisining hududlarni bevosita o‘rganishi va aholi uchun muhim bo‘lgan sohalardagi faoliyatni nazoratga olishi — joylardagi muammolarni aniqlash va ularning amaliy yechimini ta’minlashga xizmat qiladi.