Xalq deputatlari tuman Kengashi deputati G.Islamova tomonidan Ahillik mahallasida Mirzacho‘l ko‘chasi ko‘cha boshisi O.Hamidov bilan mahalladagi mavjud muammolar yuzasidan uchrashuv o‘tkazildi.

Uchrashuv davomida mahallada aholini qiynab kelayotgan muammolar, jumladan, oqar suv ta’minoti, tungi yoritish chiroqlarining mavjud emasligi hamda ko‘chalarni asfaltlashtirish ishlarining kechikayotgani yuzasidan murojaatlar bildirildi.

Murojaatlar deputat tomonidan qayd etilib, mavjud muammolarni tegishli tashkilotlar bilan hamkorlikda o‘rganish va ularning yechimi bo‘yicha amaliy choralar ko‘rish masalalari muhokama qilindi.