Xalq deputatlari Bo‘zatov tumani Kengashining 1-sonli “Palvosh ataw” saylov okrugidan saylangan deputati, tuman Kengashi Kotibiyati boshlig‘i A. Ibragimov tomonidan saylov okrugi hududidagi “Berdaq guzari” ko‘chasida o‘rganish ishlari olib borildi.
O‘rganish davomida ko‘chadagi suv tarmog‘iga tegishli quduq (kolodets) yer sathidan pastda joylashib qolgani aniqlandi. Mazkur holat aholi uchun noqulaylik tug‘dirayotgani, shuningdek, quduqdan foydalanish va unga texnik xizmat ko‘rsatishda muammolar keltirib chiqarishi mumkinligi qayd etildi.
Deputat tomonidan aniqlangan muammoni tegishli mutasaddi tashkilotlar bilan hamkorlikda bartaraf etish, quduqni yer sathiga mos holatga keltirish va hududdagi suv tarmog‘ining barqaror ishlashini ta’minlash yuzasidan tegishli choralar ko‘rish masalasi nazoratga olindi.
Aholi murojaatlari va hududdagi mavjud muammolarni joyiga chiqqan holda o‘rganish hamda ularning amaliy yechimini ta’minlash deputatlik faoliyatining muhim yo‘nalishlaridan biridir.