Xalq deputatlari Muzrabot tuman Kengashi kotibiyati mudiri Sherboyev Dilmurod tuman Kengashi kotibiyati bosh mutaxassisi B.Xoliqov birgalikda Xalq deputatlari Muzrabot tumani Kengashi deputati Suvanov Ashurbek Ilhom o‘g‘li  saylangan 24-"Navbahor" saylov okrugiga qarashli "Tong yulduzi" mahallasida navbatdagi ko‘chama-ko‘cha aylanib o‘rganish tadbirlarini amalga oshirdi.

Mahalladagi 11 ta ko‘chaning har biri bo‘ylab xonadonlarga tashrif buyurilib, fuqarolar bilan bevosita muloqot qilindi.
Tadbir mahalliy Kengash deputatlari faoliyatining 24 ta ustuvor yo‘nalishi asosida tashkil etildi. O‘rganishlar davomida aholining bandligi, tomorqalardan samarali foydalanish holati, ijtimoiy himoyaga muhtoj oilalarning turmush sharoiti, kommunal xizmatlar sifati, ichimlik suvi va elektr ta’minoti, ichki yo‘llarning holati, obodonlashtirish hamda hududda olib borilayotgan bunyodkorlik ishlari atroflicha ko‘zdan kechirildi.

Ko‘chama-ko‘cha o‘rganish yakunlari bo‘yicha aniqlangan barcha muammolar deputatning maxsus nazorat jurnaliga qayd etildi.