Oʻzbekiston Respublikasining "Banklar va bank faoliyati toʻgʻrisida"gi Qonuni ijrosi yuzasidan Xalq deputatlari Oqoltin tumani Kengashi deputatlari X. Ishimov va N. Turdiyev tomonidan Agrobank ATB Sirdaryo viloyati boshqarmasi Oqoltin tumani filialida o‘rganish ishlari olib borildi.

O‘rganish jarayonida bank tomonidan jismoniy va yuridik shaxslarga ko‘rsatilayotgan bank xizmatlari sifati, kredit ajratish va omonatlarni qabul qilish jarayonlari, tadbirkorlik subyektlarini moliyaviy qo‘llab-quvvatlash, mijozlar murojaatlarini ko‘rib chiqish amaliyoti hamda bank xizmatlarining ochiqligi va shaffofligini ta'minlash borasida amalga oshirilayotgan ishlar bilan tanishildi.

Shuningdek, qonun talablariga rioya etilishi, aholiga zamonaviy va qulay bank xizmatlarini ko‘rsatish hamda xizmatlar sifatini yanada oshirish yuzasidan mas'ullar bilan fikr almashildi.