Xalq deputatlari Andijon shahar Kengashi tomonidan qabul qilingan qarorlar ijrosi joylarda o‘rganilmoqda.

Shu maqsadda Kengash raisi R. Ziyayev, Korrupsiyaga qarshi kurashish va xavfsizlik masalalari bo‘yicha doimiy komissiya raisi A. Appaqov hamda kotibiyat mutaxassislari Andijon shahridagi “Ishchilar” MFYda bo‘lishdi.

O‘rganish davomida 2025-yil 31-avgust kuni yuz bergan baxtsiz hodisa oqibatida yong‘indan zarar ko‘rgan fuqarolar xonadonlarini ta’mirlash bo‘yicha amalga oshirilgan ishlar ko‘zdan kechirildi.

Aniqlanishicha, zarar ko‘rgan 4 ta xonadondan 3 tasi to‘liq ta’mirlangan bo‘lib, 1 ta xonadonda qurilish-ta’mirlash ishlari davom etmoqda.

Xalq deputatlari Andijon shahar Kengashi qarorlari ijrosi doimiy nazoratda bo‘lib, bu boradagi o‘rganish ishlari davom ettirilmoqda.