Депутат тәрепинен ҳаял-қызлардың бәнтлигин тәмийинлеў бойынша әмелий жумыслар үйренилди

Қарақалпақстан Республикасы Жоқарғы Кеңеси  депутаты, ӨзХДП  фракциясы ағзасы Б.Утамбетова "Таллы-өзек" МПЖда ҳәким жәрдемшиси тәрепинен әмелге асырылып атырған жумыслардың нәтийжелилигин үйренди.

Үйрениў даўамында Өзбекстан  Республикасы Президентиниң 2026-жыл  5-февральдағы 49-санлы қарары менен 12% пенен 33млн кредит алып мәҳәлледе полуфабрикат өнимлерин ислеп шығарыў жумысын жолға қойған исбилермен З.Ахантаеваның жумыс тәжирийбеси менен танысты.
Мәлим болыўынша, оған шаңарақлық исбилерменликти баслаў ушын ҳаял-қызлар белсендисиниң жәрдеминде кредит алыўда әмелий жәрдем көрсетилген. Нәтийжеде исбилермен полуфабрикат өнимлерин ислеп шыгарыў жумысын жолға қойып, өз бизнесин раўажландырыўға ерискен.
Бүгинги күнде ол базарларға, саўда дүканлары ҳәм улыўма аўқатланыў шақапшаларына кондитерөнимлерин жеткерип берип, турақлы дәрамат алып келмекте.

Ушырасыў даўамында исбилермен менен сөйлесиў өткерилип, жумысты және де кеңейтиў, бар машқалаларды сапластырыў ҳәм жаңа имканиятлардан пайдаланыў мәселелери додаланды.

Бундай басламалар ҳаял-қызлардың бәнтлигин тәмийинлеў, шаңарақлық исбилерменликти раўажландырыў ҳәм халықтың дәраматларын арттырыўға хызмет етпекте