Xalq deputatlari tuman Kengashi deputati U.Achilov tuman hokimi o‘rinbosari B.Qo‘ziyev bilan birgalikda To‘rttol mahallasida qurilishi boshlangan angar tipidagi tikuvchilik korxonasida olib borilayotgan dastlabki qurilish ishlari bilan tanishdi. Tashrif davomida korxona qurilishi uchun ajratilgan
yer maydoni va amalga oshirilayotgan ishlar ko‘zdan kechirildi. Ayni paytda ob’ektda dastlabki qurilish ishlari boshlangan bo‘lib, kelgusida mazkur korxona mahallada yangi ish o‘rinlarini yaratish, aholi bandligini ta’minlash hamda hududning iqtisodiy salohiyatini oshirishga xizmat qilishi kutilmoqda. Bunday loyihalarning amalga oshirilishi mahalla aholisi uchun yangi imkoniyatlar yaratish va aholi farovonligini yuksaltirishda muhim ahamiyat kasb etadi.