Aholining ijtimoiy himoyaga muhtoj qatlamlarini qo‘llab-quvvatlash, ularga ko‘rsatilayotgan ijtimoiy xizmatlarning manzilliligi va samaradorligini ta’minlash hamda fuqarolarning muammolarini joyida o‘rganib, ularning yechimini ta’minlash mahalliy Kengash deputatlarining muhim vazifalaridan biridir.

Mazkur vazifalar Xalq deputatlari Termiz shahar Kengashi kotibiyati mudiri A.Ashurov hamda kotibiyat bosh mutaxassisi R.Mamashukurovlar Kengashning 21-“Jo‘yjangal” saylov okrugi deputati G.Xudaykulova okrugiga qarashli “Amu-sohillari” mahallasida bo‘lib, ijtimoiy hodim faoliyatini tahlil qildilar.
Nazorat-tahlil tadbiri mahalliy Kengash deputatlari faoliyatining “24 ta eng muhim yo‘nalish” mezonlari asosida tashkil etilib, mahallada ijtimoiy himoyaga muhtoj fuqarolar va oilalar bilan ishlash holati tahlil qilindi.

Xususan, O‘zbekiston Respublikasining 2026-yil 23-iyuldagi O‘RQ–1159-sonli “Ijtimoiy ish to‘g‘risida”gi Qonuni talablaridan kelib chiqib, ijtimoiy xodim tomonidan aholining ehtiyojlarini aniqlash, ijtimoiy xizmatlarni manzilli tashkil etish, fuqarolarning muammolarini o‘rganish hamda ularni tegishli tashkilotlar bilan hamkorlikda hal etish borasidagi faoliyatiga e’tibor qaratildi.

O‘rganish davomida ijtimoiy xizmatlardan foydalanayotgan fuqarolar bilan individual ishlash, ularning murojaatlarini o‘z vaqtida ko‘rib chiqish, zarur yordam va xizmatlarni belgilash hamda mavjud imkoniyatlardan samarali foydalanish masalalari ham ko‘rib chiqildi.

Shuningdek, mahalladagi ijtimoiy himoyaga muhtoj oilalar bilan ishlashda manzillilik va individual yondashuvni kuchaytirish, fuqarolarning muammolarini faqat aniqlash bilan cheklanib qolmasdan, ularning amaliy yechimini ta’minlash muhimligi ta’kidlandi.

Nazorat-tahlil yakunlari bo‘yicha ijtimoiy xodim faoliyatini yanada takomillashtirish, ehtiyojmand oilalar bilan individual ishlashni kuchaytirish, ijtimoiy xizmatlarning manzilliligi va samaradorligini oshirish hamda aniqlangan muammolarni o‘z vaqtida bartaraf etish yuzasidan tegishli tavsiya va ko‘rsatmalar berildi.

Mahallada ijtimoiy himoya tizimining samaradorligini oshirish, fuqarolarning huquq va manfaatlarini ta’minlash hamda aholiga ko‘rsatilayotgan ijtimoiy xizmatlar sifatini yaxshilash borasidagi deputatlik nazorati davom ettiriladi.