Xalq deputatlari Bag‘dod tumani Kengashining “24-Irg‘oli” saylov okrugi deputati Y.Boyigitov hududidagi “Qaxat” mahalla fuqarolar yig‘inida Kengash Kotibiyati mudiri G‘.Abdullayev, Kotibiyat bosh mutaxassisi A.Ismoilov hamda O‘zbekiston Xalq demokratik partiyasi Bag‘dod tuman Kengashi raisi D.Xamraqulovlar tomonidan 29-umumiy o‘rta ta’lim maktabidagi kutubxona faoliyati o‘rganildi.

📊 O‘rganish davomida kutubxonaning kitob fondi, kitobxonlar uchun yaratilgan sharoitlar hamda aholining, ayniqsa yoshlarning mutolaa madaniyatini oshirish borasida amalga oshirilayotgan ishlar bilan tanishildi.

🔹Ma’lum qilinishicha, kutubxona fondida 1418 ta badiiy adabiyot hamda 10286 ta kompleks darslik mavjud bo‘lib, bugungi kunda 670 nafar a’zo kutubxona xizmatlaridan muntazam foydalanib kelmoqda.

🔹O‘rganish yakunida kutubxona fondini yangi adabiyotlar bilan boyitish, kitobxonlar sonini yanada oshirish hamda yoshlar o‘rtasida mutolaa madaniyatini keng targ‘ib etish bo‘yicha tavsiyalar berildi.