Xalq deputatlari Qo‘qon shahar Kengashiga 19-“Saoqat” saylov okrugidan saylangan deputat I.Fayzullayev tomonidan “Sobir Abdulla” mahalla fuqarolar yig‘inida aholiga ko‘rsatilayotgan ijtimoiy xizmatlar samaradorligini o‘rganish ishlari olib borildi.

O‘rganish davomida Bodomzor ko‘chasi, 34-uyda yashovchi Sh.Madaliyevlar oilasi xonadoniga tashrif buyurilib, oilaga ko‘rsatilayotgan ijtimoiy yordamlar bilan tanishildi.

Ma’lum bo‘lishicha, Madaliyevlar oilasiga jami 2 mln 472 ming so‘mlik vaucher ajratilgan. Shuningdek, mazkur xonadonga bepul quyosh paneli o‘rnatish yuzasidan tegishli ishlar amalga oshirilmoqda.

Ushbu ishlarning o‘z vaqtida va sifatli bajarilishini ta’minlash maqsadida masala deputat nazoratiga olindi hamda belgilangan tartibda monitoringga kiritildi.

Aholini ijtimoiy qo‘llab-quvvatlash va oilalar farovonligini oshirish — doimiy e’tiborda!

Xalq deputatlari Qo‘qon shahar Kengashi