IJRO INTIZOMI — DEPUTATLIK NAZORATIDA

Xalq deputatlari Pastdarg‘om tumani Kengashining Reglament va deputatlik odob-axloqi masalalari bo‘yicha doimiy komissiyasi tomonidan davlat organlarida ijro intizomini mustahkamlash va hujjatlar ijrosini samarali tashkil etish yuzasidan deputatlik nazorati olib borilmoqda.

🇺🇿 O‘zbekiston Respublikasi Vazirlar Mahkamasining 2021-yil 31-martdagi 171-son qarori bilan belgilangan vazifalar ijrosini ta’minlash maqsadida Pastdarg‘om tumani hokimligining Tashkiliy-kadrlar guruhi rahbari A. Tairovga rasmiy xat yuborildi.

📑
Rasmiy xatda quyidagi masalalar yuzasidan ma’lumot taqdim etish so‘raldi:
💎 Ijro intizomiga mas’ul tarkibiy bo‘linma va xodimlar faoliyatini tashkil etish holati;
💎 Mas’ul xodimlarning funksional vazifalari va javobgarligini belgilovchi ichki hujjatlar;
💎 Prezident farmon va qarorlari, Vazirlar Mahkamasi qarorlari hamda boshqa topshiriqlar ijrosini nazorat qilish mexanizmlari;
💎 Ijro muddatlari buzilishi yoki topshiriqlarning sifatsiz bajarilishi holatlari, ularning sabablari va bartaraf etish choralari;
💎Ijro intizomini muntazam tahlil qilish, mas’ul xodimlar hisobdorligini ta’minlash va mavjud kamchiliklarni bartaraf etish bo‘yicha amalga oshirilgan ishlar.

📊 Mazkur o‘rganishdan ko‘zlangan maqsad — ijro intizomi holatini xolisona baholash, hujjatlar ijrosida qonuniylik va mas’uliyatni kuchaytirish hamda aniqlangan kamchiliklarni bartaraf etish yuzasidan tegishli choralar ko‘rilishini ta’minlashdan iborat.

🌐Deputatlik nazorati — samarali boshqaruv va mas’uliyat garovi!