Senator ota-onalar bilan uchrashdi

🌐Oliy Majlis Senatining Mudofaa va xavfsizlik masalalari qo‘mitasi raisi o‘rinbosari, senator Abdullayev Bahrom Ismoilovich Pastdarg‘om tumanidagi 18-sonli umumta’lim maktabi hududida ota-onalar bilan uchrashuv o‘tkazdi.

👍Muloqot davomida maktabdagi
ta’lim-tarbiya jarayoni, o‘quvchilar uchun yaratilgan shart-sharoitlar, ta’lim muassasasining moddiy-texnik bazasi hamda ota-onalarni qiziqtirayotgan masalalar muhokama qilindi.

🦅Ota-onalar o‘zlarini qiynayotgan muammolar, farzandlarining ta’lim olishi uchun yanada qulay sharoitlar yaratish, maktab hududini obodonlashtirish va infratuzilmani yaxshilash bilan bog‘liq takliflarini bildirdilar.

📍 Shuningdek, uchrashuvda o‘quvchilarning xavfsizligini ta’minlash, maktabga borib-kelish jarayonida yo‘l harakati xavfsizligiga rioya etish, yoshlarning bo‘sh vaqtini mazmunli tashkil etish hamda ularni turli salbiy ta’sirlardan himoya qilish masalalariga ham e’tibor qaratildi.

✅ Senator tomonidan ota-onalarning murojaat va takliflari tinglanib, ko‘tarilgan masalalarni tegishli tashkilotlar bilan hamkorlikda o‘rganish, mavjud muammolarni bosqichma-bosqich hal etish yuzasidan fikr almashildi.
👨‍💼 Uchrashuv yakunida bildirilgan murojaat va takliflarni tegishli tartibda ko‘rib chiqish, mas’ul tashkilotlar bilan hamkorlikda amaliy choralar belgilash hamda ularning ijrosini nazoratga olish muhimligi qayd etildi.
🇺🇿Fuqarolar bilan bevosita muloqot qilish, ularning fikr va takliflarini tinglash hamda ko‘tarilgan masalalarga amaliy yechim topish — vakillik organlari faoliyatining muhim yo‘nalishlaridan biridir.