Deputatlik nazorati: kambag‘allikni qisqartirish va bandlik masalalari o‘rganilmoqda
Xalq deputatlari Qo‘shko‘pir tumani Kengashi deputati D. Sattorova Gulzor mahallasida bo‘lib, mahalla yettiligi bilan birgalikda Kambag‘allik reyestriga kiritilgan oilalar hamda ishsiz fuqarolar bilan bog‘liq masalalarni o‘rgandi.
O‘rganish davomida fuqarolarni ish bilan ta’minlash, ularning daromad manbalarini kengaytirish va kambag‘allikni qisqartirish borasida amalga oshirilayotgan ishlar yuzasidan fikr almashildi. Mazkur masalalar bo‘yicha mahalla hokim yordamchisi Izat Durdievning axboroti tinglandi.
Tadbirda mahallaning faol nuroniysi A. Qulmetova ham ishtirok etdi.
Uchrashuvda aholi bandligini ta’minlash, ehtiyojmand oilalarni qo‘llab-quvvatlash hamda mavjud muammolarni manzilli hal etishda mahalla yettiligi va deputatlik nazorati hamkorligini kuchaytirish masalalariga e’tibor qaratildi.