O'zLidePdan saylangan Xalq deputatlari Amudaryo tuman Kengashi deputatlari M.Kazakov, Y.Axmedovlar va Kotibiyat xodimi B.Allabergenovlar 8-sonli O'rta qal'a saylov okrugi "O'rta qal'a" ovul fuqarolar yig‘inida bo‘lib, "mahalla yettiligi" faoliyati samaradorligi o‘rganildi.

O‘rganish davomida yoshlar bilan ishlash, ularning bandligini ta’minlash, muammolarini aniqlash va hal etish, bo‘sh vaqtlarini mazmunli tashkil qilish hamda tashabbuslarini qo‘llab-quvvatlash borasidagi ishlar ko‘rib chiqildi.

Shuningdek, O‘zbekiston Respublikasi Prezidentining 2025-yil 10-sentabrdagi “Mahallalarda yoshlar bilan ishlash tizimi samaradorligini oshirishga doir chora-tadbirlar to‘g‘risida”gi PF-163-son Farmoni ijrosini ta’minlash yuzasidan ishlar ko‘zdan kechirildi.

O‘rganish yakunida mavjud masalalar yuzasidan tegishli tavsiya va takliflar bildirilib, yoshlar bilan ishlash samaradorligini yanada oshirish muhimligi ta’kidlandi.