Xalq deputatlari Yangiobod tuman Kengashi deputati E. Qobulov Balandchaqir mahallasida bo‘lib, profilaktika inspektorining faoliyati, hududda jamoat xavfsizligini ta’minlash va huquqbuzarliklarning oldini olish borasida amalga oshirilayotgan ishlar bilan tanishdi.

O‘rganish davomida mahallada tinchlik va osoyishtalikni saqlash, fuqarolar murojaatlari bilan ishlash, oilaviy nizolarning oldini olish hamda huquqbuzarlik sodir etilishiga sabab bo‘luvchi omillarni barvaqt aniqlash masalalariga e’tibor qaratildi.

Shuningdek, aholi, ayniqsa, yoshlar bilan profilaktik suhbatlar o‘tkazish, mahalla faollari va tegishli tashkilotlar bilan hamkorlikni kuchaytirish, fuqarolarning huquqiy madaniyatini oshirish bo‘yicha ishlarni izchil davom ettirish muhimligi qayd etildi.

Deputat profilaktika inspektori faoliyatida aholi bilan ochiq muloqotga alohida e’tibor qaratish, mavjud muammolarni o‘z vaqtida aniqlash va ularning oldini olish bo‘yicha manzilli ishlarni kuchaytirish yuzasidan tavsiyalar berdi.

Mahallada xavfsiz muhitni shakllantirishda profilaktika inspektori, mahalla faollari va fuqarolarning o‘zaro hamkorligi muhim ekani ta’kidlandi.

Maqsad — Balandchaqir mahallasida jamoat tartibini mustahkamlash, huquqbuzarliklarning oldini olish va fuqarolar uchun xavfsiz yashash muhitini ta’minlash.