“Chingeldi” mahallasida ijtimoiy xodim faoliyati o‘rganildi

Xalq deputatlari Mirzo Ulug‘bek tumani Kengashi deputati, O‘zXDP a’zosi Gulchexra Axmedova “Chingeldi” mahallasida ijtimoiy xodim tomonidan aholining ijtimoiy himoyaga muhtoj qatlamlarini qo‘llab-quvvatlash, ularning muammolarini aniqlash va mavjud masalalarga amaliy yechim topish borasida olib borilayotgan samarali ishlar o‘rgandi.

O‘rganish davomida ehtiyojmand oilalar, yolg‘iz keksalar, nogironligi bo‘lgan shaxslar hamda ijtimoiy ko‘makka muhtoj fuqarolar bilan ishlash, ularga manzilli yordam ko‘rsatish va ijtimoiy xizmatlardan foydalanish imkoniyatlarini kengaytirish masalalariga e’tibor qaratildi.

Shuningdek, fuqarolar bilan individual ishlash, ularning murojaatlarini o‘z vaqtida hal etish hamda hayot sifatini yaxshilashga qaratilgan chora-tadbirlarning samaradorligi muhimligi ta’kidlandi.

Asosiy maqsad — aholining ijtimoiy himoyasini kuchaytirish, ehtiyojmand fuqarolarni har tomonlama qo‘llab-quvvatlash va mahallada ijtimoiy barqarorlikni ta’minlashdan iborat.